ބީއެމްއެލް 48 ވަނަ ޤައުމީ ފެތުމުގެ މުބާރާތުގެ އެއްވަނަ މުޙައްމަދު ރިހާން ޝިހާމް އާއި ހަމްނާ އަހުމަދު ހޯދައިފިއެވެ.

ހުޅުމާލެ ސްޕޯޓްސް ކޮމްޕްލެކްސްގައި ކުރިއަށްދިޔަ ޤައުމީ ފެތުމުގެ މުބާރާތުގެ ސީނިއާ ގްރޫޕުގެ އެއްވަނަ ފިރިހެން ފެތުންތެރިއަކަށް ރިހާން ހޮވުނުއިރު، ދެވަނަ މަގާމަށް ހޮވުނީ އަލީ އިމްއާން އެވެ. އަދި، ތިންވަނަ އަށް ދިޔައީ އަހުމަދު ޝަގީފް އެވެ.

މުބާރާތުގެ ސީނިއާ ގްރޫޕުގެ އެއްވަނަ އަންހެން ފެތުންތެރިއަކަށް ހަމްނާ ހޮވުނުއިރު، ދެވަނަ އަށް ދިޔައީ ޒައިނަބް އަބްދުﷲ ޝަފީގް އެވެ. އަދި، ތިންވަނަ މަގާމަށް ހޮވުނީ މެރާލް އައިން ލަތީފު އެވެ.

ޖޫނިއާ ގްރޫޕުގެ އެއްވަނަ ފިރިހެން ފެތުންތެރިއަކަށް ޒުކައިން އަބްދުﷲ ހޮވުނުއިރު، މި ބައިގެ އެއްވަނަ އަންހެން ފެތުންތެރިއަކީ އަމްނާ ތަޒްކިޔާ މިރްސާދު އެވެ.

އަދި، މުބާރާތުގެ އެއްވަނަ ފިރިހެން ޓީމަކަށް ފީނަ ސްވިމިންގ އެކަޑެމީ ހޮވުނުއިރު، އެއްވަނަ އަންހެން ޓީމަކީ ޑީއެޗްއައި ސްޕޯޓްސް ކްލަބެވެ.