“ޑޮލަރާ ވާދަކުރާ ރިޒާވް ފައިސާއެއް ތަޢާރަފުކުރަން ބްރިކްސް ޤައުމުތަކުން މަސައްކަތްކޮށްފިނަމަ، އެ ޤައުމުތަކުގެ މުދަލަށް %100ގެ ޓެރިފެއް  ކަނޑައެޅޭނެކަމަށް އެމެރިކާގެ އިންތިޚާބުވެފައިވާ ރައީސް ޑޮނަލްޑް ޓްރަމްޕް ބްރިކްސްއަށް އިންޒާރުދެއްވައިފިއެވެ. ޓްރަމްޕް ވަނީ އޭނާގެ ޖިއޯޕޮލިޓިކަލް ލަނޑުދަނޑިތައް ހާސިލުކުރުމަށް ޓެރިފް ބޭނުންކުރާނެކަމަށް ތަކުރާރުކޮށް އިންޒާރުދެއްވާފައެވެ.

“ބްރިކްސް ޤައުމުތަކުން ޑޮލަރުން އެއްކިބާވުމަށް މަސައްކަތްކުރަމުންދާއިރު އަހަރެމެން  ބަލަހައްޓައިގެން ތިބުމުގެ ދުވަސް މިހާރު މިވަނީ ނިމިފައެވެ،” ޓްރަމްޕް ހޮނިހިރު ދުވަހު އޭނާގެ ޓްރޫތު ސޯޝަލް ޕްލެޓްފޯމްގައި ލިޔުއްވިއެވެިޔުއްވިއެވެ.

ޓްރަމްޕް އިތުރަށް ވިދާޅުވީ، ބްރިކްސް ޤައުމުތަކުން އާންމު ފައިސާއެއް އުފެއްދުމަށް ނުވަތަ “ބާރުގަދަ އެމެރިކާ ޑޮލަރު ބަދަލުކުރުމަށް އެހެން އެއްވެސް ފައިސާއަކަށް ތާއީދު ނުކުރުމަށް” ވަޢުދުވުމަށް އެދޭނެ ކަމަށެވެ. އަދި އެހެންނޫންނަމަ، އެ ޤައުމުތަކަށް 100% ޓެރިފް ކުރިމަތިވާނެ ކަމަށެވެ.”

ކުރިން ބްރިކްސް (BRICS) ގައި ހިމެނެނީ ބްރެޒިލް، ރަޝިޔާ، އިންޑިޔާ، ޗައިނާ އަދި ދެކުނު އެފްރިކާއެވެ. އަދި ޖެނުއަރީ މަހު މި ޖަމާޢަތް ފުޅާކޮށް، މިސުރު، އީރާން، އިތިޔޯޕިޔާ އަދި ޔުނައިޓެޑް އަރަބް އެމިރޭޓްސް ވަނީ ހިމަނާފައެވެ. މި އުފެދެމުން އަންނަ އިޤްތިޞާދުތަކުގެ ޖަމާޢަތާ ގުޅުމަށް އިތުރު 30 އެއްހާ ޤައުމުން ވަނީ ޝައުޤުވެރިކަން ފާޅުކޮށްފައެވެ.