ކޮރަޕްޝަން ނައްތާލުމުގައި ޒުވާނުންގެ ދައުރުގެ މުހިންމުކަން ދާޚިލީ ސަލާމަތާއި ފަންނިއްޔާތާބެހޭ ވުޒާރާގެ ވަޒީރު އަލްފާޟިލް ޢަލީ އިޙްސާން ފާހަގަކުރައްވައިފިއެވެ.

އޯ.އައި.ސީ މެންބަރު ޤައުމުތަކުގެ އެންޓި-ކޮރަޕްޝަން ޤާނޫނު ތަންފީޛުކުރާ އޭޖެންސީތަކުގެ 2 ވަނަ މިނިސްޓީރިއަލް ބައްދަލުވުމުގައި ވާހަކަފުޅު ދައްކަވަމުން، ވަޒީރު ވިދާޅުވީ ކޮރަޕްޝަނަކީ މުޖުތަމަޢުގެ އިޖުތިމާޢީ ފޭރާން ވީރާނާކޮށް، ތަރައްޤީއަށް ހުރަސްއަޅައި، ވެރިކަން ބަލިކަށިކުރުވާ ކަމެއް ކަމުގައެވެ.

ޤައުމުގެ ޒުވާނުންގެ ކިބައިގައި ނަޒާހަތްތެރިކަމާއި ޢަދުލުއިންޞާފުގެ ސިފަ އަށަގެންނެވުމުގެ މުހިންމުކަމާއި، ހެޔޮ ސިފަތަކުން ފުރިގެންވާ ޖީލެއް ބިނާކުރުމުގެ މުހިންމުކަން ވަޒީރު އަލިއަޅުއްވާލައްވާފައިވެއެވެ.

ކޮރަޕްޝަނާ ދެކޮޅަށް ކުރެވޭ މަސައްކަތްތަކަށް އިޝާރާތްކުރައްވަމުން ވަޒީރު ވިދާޅުވީ، އައު އީޖާދުތަކާއި ޓެކްނޮލޮޖީއަކީ މިކަމުގައި މުހިންމު ވަސީލަތްތަކެއް ކަމުގައެވެ. އަދި ޑިޖިޓަލް ހާމަކަން ބޮޑުކުރުމުގެ ނިޒާމުތަކާއި، އިލެކްޓްރޯނިކް ވެރިކަމުގެ މަންސަތަކާއި، ޢާންމު ޖަވާބުދާރީވުމުގެ ނިޒާމުތަކުގެ އެހީގައި ކޮރަޕްޝަނަށް މަގުފަހިވާ ފުރުޞަތުތައް ހަނިކުރެވިދާނެ ކަމަށް ވަޒީރު ފާހަގަކުރެއްވިއެވެ.

ވަޒީރު އިތުރަށް ވިދާޅުވީ، މުޖުތަމަޢުގެ ހުރިހާ ފަންތިއެއްގައިވެސް ކޮރަޕްޝަނާ ދެކޮޅަށް މަސައްކަތްކުރުމުގެ މަތީގައި ދިވެހިރާއްޖެ ދެމިހުންނާނެ ކަމުގައެވެ.