މިސްކިތް ބިނާ ކުރަން ބޭނުންވާ އަމިއްލަ ފަރާތްތަކަށް ބިން ހަމަޖައްސައިދިނުމަށް އިސްލާމިކް މިނިސްޓްރީން ނިންމަވައިފިއެވެ.
އިސްލާމިކް މިނިސްޓަރ ޑރ މުހައްމަދު ޝަހީމް އަލީ ސައީދު، އެމަނިކުފާނުގެ ސޯސަލް މީޑިއާގައި ކުރެއްވި ޕޯސްޓެއްގައި ވިދާޅުވެފައިވަނީ ވިޔަފާރިވެރިންގެ ތެރޭގައި މިސްކިތް ބިނާކުރުމަށް ޝައުޤުވެރިވާ ފަރާތްތަކުން، އެކަކު ނުވަތަ ގިނަ ބަޔަކު ވެގެން މިސްކިތެއް އަޅަންބޭނުން ނަމަ ބިން ހަމަޖައްސައި ދިނުމާއި އެނޫން އިދާރީ ފަސޭހަތައް ހަމަ ޖައްސައިދޭން މިނިސްޓްރީން ނިންމައިފައިވާ ކަމަށެވެ.
ރާއްޖޭގައި މީގެ ކުރިންވެސް މިސްކިއްތައް ބިނާކުރުމުގައި ވިޔަފާރިވެރިން އިސްނަގައިގެން މަސައްކަތްތަކެއް ކުރިތަން ފެނިގެން ގޮސްފައިވެއެވެ.
ރައީސް ޑރ. މުހައްމަދު މުއިއްޒު ސަރުކާރު އެކުލަވާލައި، މިއަދާ ހަމައަށް އިސްލާމިކް މިނިސްޓްރީން ވަނީ ގިނަ ކަންތައްތަކެއް އިއުލާނުކޮށްފައެވެ.
