އަންނަ އަހަރު ބޭއްވުމަށް ހަމަ ޖެހިފައިވާ 20 ވަނަ ރައްޔިތުންގެ މަޖިލީހުގެ އިންތިހާބުގައި، ލ.ފޮނަދޫ ދާއިރާއަށް ވާދަ ކުރައްވަން، އެދާއިރާގެ ކުރީގެ މެމްބަރު، ރައީސް ޑރ. މުހައްމަދު މުއިއްޒުގެ ސްޕެޝަލް އެޑްވައިޒަރު، އަބްދުއްރަހީމް އަބްދުالله ނިންމަވައިފިއެވެ.

އަބްދުއްރަހީމް ފޭސްބުކްގައި މިއަދު ކުރެއްވި ޕޯސްޓެއްގައި ވިދާޅުވީ ފޮނަދޫ ދާއިރާއަށް ވާދަކުރައްވަން ނިންމާފައިވާ ކަމަށާއި، ރައްޔިތުންގެ ތާއިދަށް އެދޭ ކަމަށެވެ.

”2024 ވަނަ އަހަރު ބޭއްވުމަށް ހަމަ ޖެހިފައިވާ 20 ވަނަ ރައްޔިތުންގެ މަޖިލީހުގެ ލ.ފޮނަދޫ ދާއިރާއަށް ވާދަ ކުރުމަށް އަޅުގަނޑު ނިންމައިފީމެވެ.ދާއިރާގެ ލޮބުވެތި ރައްޔިތުންގެ ތައީދު އަޅުގަނޑަށް ދެއްވުމަށް ނުހަނު އިހްލާސްތެރިކަމާއެކު އެދެމެވެ.” އަބްދުއްރަހީމް ފޭސްބުކްގައި ވިދާޅުވިއެވެ.

އަބްދުއްރަހީމް ވަނީ މީގެ ކުރިން ދެ ދައުރު ފޮނަދޫ ދާއިރާގެ މެމްބަރުކަން ކުރައްވައިފައެވެ.