ޕީޕީއެމް ޕީއެންސީއިން ވަކިވެވަޑައިގަތުމަށްފަހު ކުރީގެ ރައީސް އަބްދުﷲ ޔާމީން އަބްދުލްގައްޔޫމް، ޕީޕަލްސް ނެޝަނަލް ފްރަންޓް (ޕީއެންއެޕް) އަށް ރޭ ސޮއިކުރައްވައިފިއެވެ.
ރައީސް ޔާމީންގެ އަމިއްލައަށް އިސް ނަންގަވައިގެން އުފައްދަވާފައިވާ ޕީއެންއެފްއަށް އެމަނިކުފާނު ރޭ ސޮއިކުރެއްވީ ޕާޓީ އޮފީހުގައެވެ. ރައީސް ޔާމީން މިވަގުތު ރަށު ބަންދުގައި ހުންނެވި އިރު، ސިޔާސީ ހަރަކާތްތަކަށް ޕާޓީ އޮފީހަކަށް ދިޔުމަކީ މަނާ ކޮށްފައިވާ ކަމެކެވެ. އެހެންކަމުން ރޭ ޔާމީން ޕާޓީ އޮފީހަށް ވަން މައްސަލަ ބަލާނެ ކަމަށް ބެލެވެއެވެ.
ޕާޓީ އުފެއްދުމުގައި އެންމެ އިސްކޮށް ހަރަކާތްތެރިވާ ބޭފުޅުންގެ ތެރޭގައި ހިމެނޭ ކުރީގެ ސައިންސް އެންޑް ޓެކްނޮލޮޖީގެ މިނިސްޓަރު މަލީހް ޖަމާލް ވިދާޅުވީ އެ ޕާޓީއަކީ ރައީސް ޔާމީންގެ އުފެއްދުމެއް ކަމަށާއި އެއީ އެ މަނިކުފާނުގެ އިސްލާހީ މަސައްކަތުގެ އާ ފެށުމެއް ކަމަށެވެ.
