ރައީސުލްޖުމްޙޫރިއްޔާ ޑރ.މުހަމަދު މުޢިއްޒަށް ނިންމުންތައް ނިންމަން ކެރޭނެކަން މަދު ދުވަސްކޮޅެއްގެ ތެރޭގައި ސާބިތުކޮށްދީފިކަމަށް ލ.ފޮަނަދޫ ދާއިރާގެ މެމްބަރު މޫސާ ސިރާޖު ވިދާޅުވެއްޖެއެވެ.
މޫސާ ސިރާޖު މިއަދު ކުރެއްވި “އެކްސް” އެއްގައި ވިދާޅުވީ ރައީސް ޑރ.މުއިއްޒު ތަފާތު ކަމަށެވެ. އަދި ވީ ވައުދުތައް ފުއްދާނެކަމާއި، ނިންމުންތައް ނިންމަން ކެރޭނެކަމާ އަދި ރައީސްގެ ސުޕީޑް އަވަސް ވާނެކަން މިވީ މަދު ދުވަސްކޮޅުގެ ތެރޭގައިވެސް ސާބިތުކޮއްދީފި ކަމަށްވެސް ސިރާޖު ވިދާޅުވިއެވެ.
ރައީސް ޑރ. @MMuizzu ތަފާތު.
ވީ ވައުދުތައް ފުއްދާނެކަމާއި، ނިންމުންތައް ނިންމަން ކެރޭނެކަމާ އަދި ރައީސްގެ ސުޕީޑް އަވަސް ވާނެކަން މިވީ މަދު ދުވަސްކޮޅުގެ ތެރޭގައިވެސް ސާބިތުކޮއްދީފި. pic.twitter.com/vBq0bQ9YNl— Moosa Siraj (@MoosesSiraj) December 5, 2023
މޫސާ ސިރާޖަކީ އެމްޑީޕީ ޓިކެޓުގައި 2019 ވަނަ އަހަރުގެ މަޖިލިސް އިންތިޙާބުގައި އަބްދުއްރަޙީމް އަބްދުﷲ އާއި ވާދަކޮށް ފޮނަދޫ ދާއިރާގެ ގޮނޑި ކާމިޔާބުކުރި މެމްބަރެކެވެ. އެހެންނަމަވެސް ސިރާޖު އެޕާޓީ ދޫކުރައްވައި އޭރުގެ އިދިކޮޅު ފަރާތްތަކާ ގުޅިވަޑައިގަތީ މިފަހަރުގެ ރިޔާސީ އިންތިހާބުގެ ކެމްޕޭން ދުވަސްވަރުއެވެ.
އެއަށްފަހު ރައްޔިތުންގެ މަޖިލީހުގައި ސަރުކާރު ތަމުސީލުކުރާ، މިހާރު ވެރިކަންކުރާ ޕީޕަލްސް ނެޝަނަލް ކޮންގްރެސް (ޕީއެންސީ)ގެ ޕާލިމަންޓްރީ ގްރޫޕުގެ ލީޑަރަކީވެސް މިހާރު ފޮނަދޫ ދާއިރާގެ މެންބަރު މޫސާ ސިރާޖެވެ.
