ބޭންކް އޮފް މޯލްޑިވްސް (ބީއެމްއެލް) އިން މޯލްޑިވްސް އޮލިމްޕިކް ކޮމިޓީ (އެމްއޯސީ) އާ ގުޅިގެން ހުޅުވާލި ސްޕޯޓްސް ސްކޮލާޝިޕްގެ ފުރުޞަތު ޤައުމީ އެތުލެޓިކްސް ޓީމުގެ ތަރި، ޢާއިޝަތު ހިމްނާ ޙަސަން ހާސިލްކޮށްފިއެވެ.
މިދިޔަ އަހަރުތަކުގައި ރާއްޖޭގެ އެތުލެޓިކްސްގައި އެންމެ ހަލުވި ދުވެއްޔެއްގައި ކުރިއެރުުން ހޯދަމުން އައި އަންހެން ސްޕްރިންޓަރަކީ ހިމްނާ އެވެ.
ހިމްނާ އަށް އެއް އަހަރު ދުވަހުގެ މުއްދަތަށް ތަމްރީންތައް ފުރިހަމަކުރުމުގެ ފުރުޞަތު ލިބިގެންދިޔައީ ޖެމެއިކާގެ ސްޕްރިންޓެކް ޓްރެކް ކްލަބާއެކީ އެވެ.
މީގެކުރީން ވެސް ހިމްނާ ވަނީ އެމްއޯސީން ދިން ޕެރިސް އޮލިމްޕިކްސް ސްކޮލާޝިޕްގެ ދަށުން ޖެމެއިކާގައި ތަމްރީންތައް ފުރިހަމަކޮށްފައެވެ.
ބީއެމްއެލް ސްޕޯޓްސް ސްކޮލާޝިޕަކީ އެތުލީޓުންގެ ހުނަރު ކުރިއަރުވައި ފުރިހަމަ ކާމިޔާބީއަކަށް ވާސިލުވުމަށް އެހީތެރިވުމުގެ ގޮތުން ހުރިހާ ހަރަދަކާއެކު ރާއްޖޭން ބޭރުގެ ހައި ޕަރފޯމަންސް ޓްރެއިނިންގ ސެންޓަރުތަކުން ތަމްރީނު ހޯދުމަށް ފުރުޞަތު ފަހިކޮށްދޭ ސްކޮލާޝިޕެކެވެ.
އެމްއޯސީއާ ގުޅިގެން ބީއެމްއެލް އިން ހިންގާ މި ސްކޮލާޝިޕަށް އެތުލީޓު ހޮވާފައި ވަނީ ހުރިހާ އެސޯސިއޭޝަންތަކުން ލިބުނު އެޕްލިކޭޝަންތަކުގެ އިވެލުއޭޝަންތަކެއް ހެދުމަށްފަހު އެމްއޯސީ އިންނެވެ.