ކޮވިޑްގެ ބަލިމަޑުކަމުގެ ދުވަސްވަރު ވެންޓިލޭޓަރު ގަތުމަށް ކަމަށް ބުނެ އެމްޑީޕީގެ ސަރުކާރުން ބޮޑު ކޮރަޕްޝަނެއް ހިންގިތާ 4 އަހަރު ފަހުން އެމްޑީޕީ އިން ޤާނޫނު އަސާސީ ދިފާއު ކުރަން ކަމަށް ބުނެ އެމްޑީޕީ އިން ވަނީ ބޮޑު ހަރަކާތެއް ފަށަން ނިންމާފައެެވެ. އެގޮތުން ޑިސެމްބަރު 10ގައި  އެމްޑީޕީގެ ފަރާތުން ިމހާރު ދަނީ ބޮޑު ޖަލްސާއެއް ބޭއްވުމަށް ރާއްޖޭގެ އެކި ކަންކޮޅުތަކުން މާލެއަށް މީހުން ޖަމާކުރަން ފަށާފައެވެ.

އެމްޑީޕީ އިން ގާނޫނު އަސާސީ ދިފާއުކުރަން ނިކުންނައިރު، އެމްޑީޕީގެ ވެރިކަން ނިމުނީ ވެންޓިލޭޓަރު ވައްކަމުގެ އެއްވެސް މައްސަލައެއް ނުބެލިއެވެ.

އެމްޑީޕީ ސަރުކާޜުން ވެންޓިލޭޓަރުތަކާ ގުޅިގެން ފުރަތަމަ ބުނަމުން އައީ އެ ވެންޓިލޭޓަރުތައް ގަންނަން ހަވާލުކުރީ ދުނިޔޭގެ ސިއްހަތާ ބެހޭ ޖަމިއްޔާގެ ލަފާގެ މަތިން ހޯދި ކުންފުންޏަކަށް ކަމަށެވެ. އަދި އޭރުގެ ސަރުކާރުގެ ތަރުޖަމާނު މަބްރޫކް ތަކުރާރުކޮށް އެހެން ވިދާޅުވެ ރައްޔިތުންނަށް އޮޅުވާލަމުން ގެންދިޔައެވެ.އެހެން ނަމަވެސް ފަހުން އެއީ ދޮގުކަން ވަނީ ފަޅާއަރާފައެވެ. އަދި ވެންޓިލޭޓަރު ގެނައުމުގެ ނަމުގައި ހިންގާފައިވަނީ ކޮރަޕްޝަންގެ އަމަލެއްކަން ހާމަވިއެވެ.

ސަރުކާރަށް ގެއްލުނު ފައިސާ އާއި ގެއްލުމުގެ ބަދަލު ހޯދަން ރާއްޖޭގެ އާބިޓްރޭޝަން ސެންޓަަރަށް ސަރުކާރުން އެ ކުންފުންޏާ ދެކޮޅަށް މައްސަލަ ހުށަހެޅީ 16 ފެބުރުއަރީ 2023ގައެވެ.

އެޓާނީ ޖެނެރަލްގެ އޮފީހުން ދާދި ފަހުން ނެރެފައިވާ ބަޔާނެއްގައި ބުނެފައިވަނީ އެ މައްސަލައިގައި މިދިޔަ ބުދަ ދުވަހު އާބިޓްރޭޝަންގެ ރޫލިން ނުވަތަ ހުކުމް ނެރެފައިވާ ކަމަށާއި ރާއްޖެއަށް ފޯރުކޮށްދީފައި ނުވާ ވެންޓިލޭޓަރުތަކުގެ އަގަށްވާ 1.8 މިލިއަން ޑޮލަރު ނުވަތަ 29.1 މިލިއަން ރުފިޔާ އެގްޒިކިއުޓާޒްއިން ސަރުކާރަށް ދެއްކުމަށް؛ އަދި މެއި 2021ގެ ފެށިގެން އެ ފައިސާ ދެއްކުމާ ހަމައަށް ކޮންމެ އަހަރަކަށް 2 އިންސައްތައިގެ އިންޓަރެސްޓަށްވާ ފައިސާ ދައްކަން އަންގާފައިވާކަމަށެވެ.