ގިނަ އަދަދެއްގެ މުދަލާއެކު މާލެއިން ފުރައިގެން ލާމަށް ދަތުރުކުރަމުންދިޔަ ލ.ދަނބިދޫ ބަސްމަލާ ބޯޓް ނެރަށް އަރައިފިއެވެ.

ދަނބިދޫ ކައުންސިލުން “ލާމު ޓޭލްސް” އަށް މަޢުލޫމާތު ދޭގޮތުގައި ބަސްމަލާ ބޯޓު ނެރުމައްޗަށް އަރާފައިވަނީ ލ.ބެންމާފުށި ނެރުން ވަންނަން އުޅުމުގެ ތެރޭގައެވެ.

ބަސްމަލާ ބޯޓު ނެރަށް އަރާފައި ވަނީ ރޭ މެންދަމުގެ ވަގުތެއްގައެވެ. އެ ވަގުތުން ފެށިގެން އެމްއެންޑީއެފް ސެންޓްރަލް އޭރިއާ ކޯސްޓް ގާޑުން ބަސްމަލާއަށް އެހީތެރިކަން ފޯރުކޮށްދެމުންދާ އިރު، އާންމު ރައްޔިތުން ދަނީ އެކުގައި މަސައްކަތް ކުރަމުންނެވެ. އެގޮތުން ޑިންގީތަކުގައާއި މަސްދޯނިތަކުގައި މުދާތައް، ދަނބިދުއަށް އެރުވުމަށް ދަނީ މަސައްކަތް ކުރަމުންނެވެ.

މީގެ ކުރިން 2017 ވަނަ އަހަރުގެ ޖޫންމަހުގެ ތެރޭގައިވެސް ބަސްމަލާ ބޯޓު ވަނީ ބެންމާފުށި ނެރުމައްޗަށް އަރާފައެވެ.